1. Hvenær á að skrifa stóran staf?

Það á að skrifa stóran staf í sérnöfnum t.d. mannanöfnum, nöfnum goða, örnefnum, svo sem staðanöfnum og nöfnum landshluta, landa og heimsálfa; einnig í nöfnum þjóða og íbúa þeirra

Dæmi:

Danir,

Svíi,

Evrópumenn.

Þá er ritaður stór stafur í nöfnum hátíða ef heiti þeirra hefst á sérnafni

Dæmi:

Þorláksmessa.

Stór stafur er í viðurnefnum sem koma framan við nafn persónunnar og tengjast því með bandstriki.

Dæmi:

Skalla-Grímur,

Fjalla-Eyvindur.

Stór stafur er auk þess í styttum heitum þegar vísað er beint til ákveðins sérnafns.

Dæmi:

Kvennó.

Í ýmsum skammstöfunum eru stórir stafir (ASÍ, HM 2010, ESB o.s.frv.)