Námsvefur fyrir fólk á
framhaldsskólastigi

Á döfinni
21. september 2017

Við höldum þar sem frá var horfiðmeð þjálfunaræfingar í þýsku úr kennslubókinni DaF kompakt A1-B1. Nú er það 10. skammturinn. Þið getið valið um að reyna ykkur við þýsk orð yfir á íslensku og einnig snúið því við og glímt við íslensk orð yfir á þýsku.  Frábær leið til að efla orðaforðann í þýsku .

19. september 2017

Það er komið að nýrri námsbók í spyrilinn okkar. Er það bókin Almenn sálfræði – Hugur, heili og hátterni eftir þau Aldísi Guðmundsdóttur og Jörgen Pind. Er sú bók víða notuð. Í þessum fyrsta skammti bjóðum við upp á 45 spurningar úr 1. kaflanum. Já, það er ekki seinna vænna að fara að æfa sig fyrir prófið.

14. september 2017

Stærðfræðin heldur áfram hjá okkur með sama hætti og á síðustu önn. Nú er komið að stafajöfnum, en það eru jöfnur sem hafa bókstafi eða tákn í staðinn fyrir tölur. Það er mikilvægt að geta leyst stafajöfnur því þær verða á vegi okkar á mörgum sviðum lífsins. Í þessum skammti bjóðum við upp á 11 þjálfunarmyndbönd til að leysa stafajöfnur.

12. september 2017

Í dag bjóðum við upp á nýja kennslubók í íslensku sem nefnist Bókmenntasögulegt yfirlit frá landnámi til siðaskipta og er eftir Baldur Hafstað. Er þetta grunnbók þar sem farið er yfir efnið á nýstárlegan og áhugaverðan hátt sem ætti að höfða betur til nemenda. Efnið er aðgengilegt sem vefbók og til útprentunar. Þá fylgja vefútgáfunni góðar hugtakaskýringar og gagnlegar fjölvalsspurningar til að hjálpa nemendum að festa fróðleikinn betur í minni.

 
7. september 2017

Við höldum áfram þar sem frá var horfið á síðustu önn með orðskýringar úr frönsku kennslubókinni Scénario 1 í spyrlinum okkar.  Í dag er það skammtur númer 10 (úr kafla 1-2.).  Eins og fyrri daginn getið þið valið um að reyna ykkur við frönsk orð og einnig snúið því við og glímt við íslensk orð yfir á frönsku.  Frábær leið til að efla orðaforðann í frönsku.

5. september 2017

Í dag kynnum við Laxdæla sögu.  Í sögunni er að finna eina af áhugaverðari gátum Íslendingasagnanna, sem menn hafa deilt um og leitað svara við án árangurs í gegnum tíðina, en það er túlkun orða Guðrúnar Ósvífursdóttur er Bolli Bollason sonur hennar spyr hana hverjum bænda sinna og ástmanna hún hefði unnað mest, en Guðrún svarar með þeim frægu orðum: ,,Þeim var ég verst er ég unni mest”. Já, nú er bara að lesa sjálfa söguna eða hlusta á hana upplesna og sjá hvort þið getið svarað þeirri gátu.

30. maí 2017

Við höldum áfram að þjálfa okkur í að þekkja þjóðfána heimsins og í dag er röðin komin að Suður Ameríku. Þessi Spyrill hefur að geyma 12 spurningar. Gangi ykkur vel! 

23. maí 2017

Í dag höldum við áfram að færa ykkur þjálfunarspurningar úr námsbókinni ALMENN LÍFFRÆÐI eftir Ólaf Halldórsson.  Er komið að kafla 9 (lokakaflanum) sem ber yfirheitið Utangenaerfðir. Eru einungis 6 spurningar úr honum, en samtals eru spurningarnar úr bókinni orðar um 420 talsins.  Já, það er gott að prófa sig áfram í þessu og sjá hvað maður kann. Svo getið þið valið um að taka einungis próf úr þeim spurningum sem þið klikkuðuð á annarri tilraun. Allt eftir því hvað hentar hverjum og einum.

18. maí 2017

Í dag bjóðum við uppá tíunda skammtinum í orðaforðaspurningum úr dönskunámsbókinni Glimt. Samtals eru þetta 76 orð. 

16. maí 2017

Við höldum áfram að þjálfa okkur í að þekkja þjóðfána heimsins og í dag er röðin komin að Norður og Mið-Ameríku. Þessi Spyrill hefur að geyma 36 spurningar. Gangi ykkur vel! 

11. maí 2017

Í dag bjóðum við upp á þjálfunarspurningar úr orðaforða þýsku  kennslubókarinnar DaF kompakt A1-B1. Er það 9 skammturinn. Þið getið valið um að reyna ykkur við þýsk orð yfir á íslensku og einnig snúið því við og glímt við íslensk orð yfir á þýsku.  Frábær leið til að efla orðaforðann í þýsku . Orðin sem þið þjálfið í þessum skammti eru úr 9. kafla.

9. maí 2017

Núna höldum við áfram að finna rúmmál og yfirborð hluta sem innihalda samsetta rúmmálshluta. Í dæmunum er tekið lítið skref í einu svo allir geta náð undirstöðuatriðunum í rúmmálsreikningi á samsettum einingum.

4. maí 2017

Við höldum áfram að þjálfa okkur í að þekkja þjóðfána heimsins og í dag er röðin komin að Evrópu. Þessi Spyrill hefur að geyma 53 spurningar. Gangi ykkur vel! 

2. maí 2017

Í dag höldum við áfram að færa ykkur þjálfunarspurningar úr námsbókinni ALMENN LÍFFRÆÐI eftir Ólaf Halldórsson.  Er komið að kafla 8 sem ber yfirheitið Vistir lífveranna. Eru  15 spurningar úr honum. Já, það er gott að prófa sig áfram í þessu og sjá hvað maður kann. Svo getið þið valið um að taka einungis próf úr þeim spurningum sem þið klikkuðuð á annarri tilraun. Allt eftir því hvað hentar hverjum og einum. 

Valmynd

Það getur verið gott að læra í gegnum spurningar. Hér getið þið annars vegar nálgast spurningar úr völdum námsbókum og hins vegar alls kyns spurningar til að auka almenna þekkingu ykkar.

Hér finnið þið allt það efni sem tengja má við ákveðnar námsbækur. Í sumum tilfellum getið þið einnig nálgast bækurnar sjálfar, eins og Njálu, Eglu, Laxdælu og fl.  

Stærðfræðiskýringar á íslensku

Hér getið þið sótt vandaðar skýringar á völdum atriðum í stærðfræði á myndbandi. Skýringarnar miðast enn sem komið er einkum við fyrstu áfangana (STÆ102 og STÆ 103) en við bætum nýjum skýringum við í hverjum mánuði.  

Stærðfræðiskýringar á ensku fyrir lengra komna.  Gera m.a. hornafræði, rúmfræði, deildun og heildun afar góð skil.

Sjö reyndir leiðbeinendur sem þekkja vel hvar nemendur geta átt í erfiðleikum fara yfir helstu atriði framhaldsskólastærðfræðinnar og gera m.a. hornafræði, rúmfræði, deildun og heildun afar góð skil. Lærðu og rifjaðu upp á þeim hraða og í þeirri röð sem þú kýst.

Hér getið nálgast allar helstu grunnreglur í íslenskri stafsetningu og þjálfað ykkur með því að reyna ykkur við gagnvirkar æfingar.

Málfræðin er söm við sig og á það til að vefjast fyrir fólki. Hér getið þið lært helstu reglur í íslenskri málfræði og þjálfað ykkur í völdum æfingum til að festa reglurnar betur í minni.

Við bjóðum nú upp á stórt og vandað rafbókasafn með völdum bókum sem geta komið að gagni hvort heldur í námi eða skóla lífsins.  Athugið að hér er einnig boðið upp á valdar bækur á ensku.

Við bjóðum upp á fjölbreytt efni til að hlusta á úr ýmsum áttum. Hér getið þið t. a. m. hlustað á Íslendingasögur, þjóðsögur, skáldsögur og margt fleira.

Latína gerð aðgengileg á íslenskri tungu fyrir framhaldsskólanemendum.

Hvað er framhaldsskoli.is?

Framhaldsskoli.is er ný síða fyrir nemendur þar sem boðið er upp á stuðning við valdar kennslubækur og áfanga í framhaldsskólanum.  Stuðningurinn er annars vegar tengdur völdum kennslubókum og/eða sértækum vefsíðum sem nýtast nemendum með beinum eða óbeinum hætti. 

Bókastuðningurinn felst einkum í gagnvirkum þjálfunarspurningum, flettispjöldum, rafbókum, hljóðbókum og glósum. 

Á vefsíðunum er hægt að nálgast valið efni, s.s. stærðfræðiskýringar á myndbandi, skýringar á öllum helstu málfræði- og bókmenntahugtökum, sögur í íslensku og ensku með skýringum og upplestri og margt fleira.  

Eins og gefur að skilja með nýja síðu sem þessa er hún í stöðugri þróun en við munum bæta inn nýju efni jöfnum höndum og eru allar ábendingar vel þegnar. 

Hvernig gerist ég áskrifandi?
Og hvað kostar að gerast áskrifandi?

1.490 kr á mánuði

 

Velja

12.900 kr ársgjald

Ársgjald

 

Velja