10. Um y, ý, ey, i, í og ei – Regla 1

Góð regla er að athuga hvort vafaorðið tengist sögn sem hefur í – ei – i í kennimyndum (t.d. bíta beit bitum bitið).

Dæmi:
Nafnorðið bit er skylt sögninni bíta – beit – bitum.

Í slíkum tilvikum er alltaf skrifað einfalt i/ei.

Annað dæmi:

Orðið andlit er skylt sögninni líta – leit – litum.

Orðið leiti (í merkingunni hæð, hóll) er einnig skylt sögninni líta – leit – litum.

Þess vegna er það skrifað með einföldu (ég lít yfir landið á leitinu).