Ýmislegt fleira sem tengist tíð og tíma er fróðlegt að kanna. Þar má til dæmis nefna sagnasambönd þar sem eiginlegar hjálparsagnir eru ekki notaðar. Dæmi:
Kennarinn fer að fara
Mamma þín fer að koma
Ég skal sækja brauðið
Ég skal ná prófinu!
Í eftirfarandi dæmum sést hvernig vth.þt. er notaður í sömu merkingu og skildagatíðin:
„Ef væri ég söngvari syngi ég ljóð“ (=mundi ég syngja)
Væri ég þú safnaði ég hári (=mundi ég safna)
Að lokum er eitt athyglisvert dæmi um hvernig hægt er að raða saman mörgum sögnum. Er einhver leið að hafa sagnirnar fleiri?
Jón er sagður hafa verið talinn hafa sagt þetta.