5. n og nn í karlkynsnafnorðum

Við höfum líka kynnt okkur reglur um -n og -nn í karlkynsnafnorðum. Hér þarf að gæta þess að rugla ekki saman n-um í greininum og n-um í sjálfum nafnorðunum.

Dæmi:

Í orðinu jötunninn eru seinni tvö n-in greinirinn en fyrri tvö n-in hluti af nafnorðinu sjálfu í nefnifalli.

Reglan um -n og -nn í karlkynsnafnorðum hljóðar svona:

Karlkynsorð sem enda á -inn, -ann og -unn í nefnifalli eintölu hafa eitt n í þolfalli.

Dæmi:

Þórarinn (nf) um Þórarin (þf);

himinn (nf) um himin(þf).

Dæmi með greini:

himinninn (nf: fjögur n)

um himininn (þf: þrjú n).

Undantekningar eru írskættuðu nöfnin:

Kjartan,

Natan,

Kjaran og

Kvaran sem eru skrifuð með einu n-i í öllum föllum.

Sama er að segja um orðið satan.