Rafbækur
Útgáfa
Eggert Ólafsson (1726-1768) orti töluvert um æfina þó svo að hann teljist ekki til stórskálda. Fjölnismenn hömpuðu honum og hafði hann mikil áhrif á þjóðskáldið Jónas Hallgrímsson. Eggert var þó á engan hátt jafn mikið skáld og hann var fræðimaður og baráttumaður, og voru kvæði hans flest því marki brennd að vera farvegur fyrir skoðanir hans og baráttumál í lífinu. Þrátt fyrir að kvæði hans verði seint talinn haglega eða vel ort fá þau mikinn kraft úr eldmóðinum sem á stundum hrífur lesandann svo með sér að hann gleymir öllu öðru. Í þessari bók er að finna flest ljóða Eggerts.
Ísland ögrum skorið,
ég vil nefna þig,
sem á brjóstum borið
og blessað hefir mig,
fyrir skikkun skaparans.
Vertu blessað, blessi þig
blessað nafnið hans.
Gleymt ég get þér aldrei,
göfugt föðurland,
þótt í þykkju kaldri
þetta tryggða-band
fyrnast taki fyrir mér.
Vanmátturinn veldur því,
ég vil samt fylgja þér.
Upp á það að enda
ég drekk þína skál,
guð oss láti lenda
lífs nær endast mál
himnum á fyrir herrans vörð.
Unnum, þjónum þangað til
þessari fósturjörð.
Ísland ögrum skorið,
ég vil nefna þig,
sem á brjóstum borið
og blessað hefir mig,
fyrir skikkun skaparans.
Vertu blessað, blessi þig
blessað nafnið hans.
Ísland ögrum skorið eftir Eggert Ólafsson
Lengd : 00:00
Smelltu hér til að sækja hljóðbókina fyrir iTunes eða önnur sæmbærileg öpp fyrir almennar tölvur.
Sækja fyrir spjaldtölvur og snjallsímaSmelltu hér til að sækja hljóðbókina fyrir iTunes eða önnur sæmbærileg öpp fyrir spjaldtölvur og snjallsíma.
Lengd : 00:00
Innskráðu þig til að hlusta.
Innskráning